Елордада Алаш тасжолындағы көпірде қозғалыс жабылады
НҰР-СҰЛТАН. ҚазАқпарат - 16 қарашада сағат 12:00-ден 18:00-ге дейін елордадағы Алаш тасжолы көпірінің (Бөгенбай батыр даңғылы) Уәлиханов көшесінен Орталық базар бағытында оң жақ шеткі жолағын жабу жоспарлануда, деп хабарлайды ҚазАқпарат.
«Елорда тұрғындары мен қонақтары қала жолдарында кептеліс болмас үшін өз бағдарын алдын ала жоспарлауы керек. Келтірілген қолайсыздықтар үшін кешірім өтінеміз және жөндеу жұмыстарына түсіністікпен қарауды сұраймыз», - делінген Нұр-Сұлтан қаласының көлік және жол-көлік инфрақұрылымын дамыту басқармасының хабарламасында.
