Елордада алдағы күндері өткінші жаңбыр жауады
АСТАНА. 4 қараша. ҚазАқпарат - Синоптиктердің болжамынша, жаңа жұмыс аптасының басында ауа райы жауын-шашынды болады. Бұл туралы «Қазгидромет» РМК сілтеме жасап astana.kz хабарлады.
«Дүйсенбі күні Астанада көшпелі бұлт шығады, күндіз аздап жауын-шашын жауу ықтимал. Оңтүстік-батыстан 9-14 м/с жел соғады. Түнде ауа температурасы 0+2°C, күндіз +3+5°C болады», - делінген хабарламада.
Сейсенбі күні елордада күн ала бұлтты жауын-шашынды болады. Батыстан 9-14 м/с жел соғады. Түнде ауа температурасы 0+2°C, күндіз +4+6°C болады.
Сәрсенбі күні көшпелі бұлт шығады, жауын-шашынды болады. Оңтүстік-батыстан 9-14 м/с жылдамдықпен жел соғады. Түнде ауа температурасы 0-2°C, күндіз +3+5°C болады.
