Елордада алып күш иелерінің турнирі өтеді
АСТАНА. ҚазАқпарат – Астана қаласының әкімдігінің ұйымдастыруымен Елорданың 25 жылдығына орай қалалық «Толағай» алыптар сайысы ашық турнирі өтеді, деп хабарлайды ҚазАқпарат елорда әкімдігінің ресми сайтына сілтеме жасап.
«Ұлы Даланың батырларын насихаттау, қазақтың этно-ойындарын дәріптеу мақсатында өтетін турнирге білегі тоқпақтай, жауырыны қақпақтай 18 жастан асқан кез келген қала тұрғыны мен қонағы қатыса алады», - делінген мәліметте.
Турнирдің өтетін уақыты мен орны: 6 шілде, сағат 16:00-де, Орталық саябақтың автотұрағында (Тұран даңғылы бойында)
Қосымша ақпарат бойынша: +7707 977 99 70; +7 701 255 19 65 нөмірлеріне хабарласуға болады.
