Елордада апта басында күн ыстық болады, өткінші жаңбыр жауады
АСТАНА. ҚазАқпарат - Астанада жаңа жұмыс аптасының басында күн жауын-шашынсыз, жылы болды. Синоптиктердің болжамынша алдағы күндері өткінші жаңбыр жауады. Бұл туралы аstana.kz сайтына Ауа райын қысқа мерзімге болжау басқармасынан хабарлады.
Бүгін көшпелі бұлт шығады, күн күркірейді, жаңбыр жаууы ықтимал. Оңтүстік-батыстан 9-14 м/с жылдамдықпен жел соғады, күндіз екпіні 15-20 м/с жетеді. Түнде ауа температурасы +12+14°С, күндіз +26+28°С. Қазгидромет орталығының хабарлауынша, ертең, сейсенбі күні көшпелі бұлт шығады, жаңбыр жауады, күн күркірейді. Солтүстік-шығыстан 9-14 м/с жылдамдықпен жел соғады. Түнде ауа температурасы +10+12°С, күндіз +21+23°С болады. Сәрсенбі күні, 28 мамырда көшпелі бұлт шығады, күндіз аздап жаңбыр жауады, күн күркірейді. Солтүстік-шығыстан оңтүстік-шығысқа ауысқан 9-14 м/с жылдамдықпен жел соғады, күндіз екпіні 18 м/с жетеді. Түнде ауа температурасы +8+10°С, күндіз +21+23°С болады.
