Елордада автокөлік тонаушы алаяқтар қолға түсті

АСТАНА. ҚазАқпарат - Солтүстікқазақстандық қос күдіктіні құқық қорғау қызметкерлері оқиға орнында ұстады, деп хабарлады 24kz.

Олар иесіз темір тұлпарларды арнайы құрылғымен ашып, алдымен ішін түгелдей тінтіп шығады екен. Ал автокөліктің есігін ашатын арнайы құрылғыны ғаламтор арқылы тапқан. Екі күдікті осындай әдіспен бірнеше көлікті тонап, бірер сағатта 570 мың теңгені қолды қылған. Олардың жалпы 20-дан астам қылмыстық оқиғаға қатысы бар екені анықталды.