Елордада бірқатар тұрғын үйдің сумен жабдықтау жүйесі қалпына келтірілді

АСТАНА. Қыркүйектің 10-ы. ҚазАқпарат - Елордада бірқатар тұрғын үйдің сумен жабдықтау жүйесі қалпына келтірілді, деп хабарлады ҚР Төтенше жағдайлар министрлігінің баспасөз қызметінен.

Естеріңізге сала кетейік, құбырдың жарылуы қыркүйектің 7-сі күні таңертеңгі 10 сағат 15 минутта Алматы ауданына қарасты Спецмонтажная көшесінде орын алған еді. Апат салдарынан Угольная, Литейная көшелері, Кирпичный тұрғын алқабы мен 1-ші Жылу электр орталығы сусыз қалды.

Қазіргі таңда бұл үйлерге су беру толығымен қалпына келтірілді.

«апаттық-қалпына келтіру жұмыстары аяқталды, сумен жабдықтау толығымен қалыпан келтірілді», делінген ведомство ақпаратында.

Төтенше жайды жоюға «Астана су арнасы» мекемесінің 10 маманы мен 4 техникасы жұмылдырылды.