Елордада Дүниежүзілік көшпенділер ойынын ұйымдастыратын комитет құрамы бекітілді

Құжатта жазылғандай, V Дүниежүзілік көшпенділер ойындарына дайындық және оны өткізу жөніндегі ұйымдастыру комитетінің құрамына мына лауазымдағы тұлғалар енеді:

- Премьер-Министрдің орынбасары, төраға;

- Мәдениет және спорт министрі, төрағаның орынбасары;

- Астана қаласының әкімі, төрағаның орынбасары;

- Мәдениет және спорт министрлігі Спорт және дене шынықтыру істері комитетінің төрағасы, хатшы;

- Ұлттық қауіпсіздік комитеті төрағасының орынбасары (келісім бойынша);

- Президент Іс басқарушысының орынбасары (келісім бойынша);

- Сыртқы істер министрінің орынбасары;

- Ішкі істер министрінің орынбасары;

- Ақпарат және қоғамдық даму вице-министрі;

- Ауыл шаруашылығы вице-министрі;

- Ғылым және жоғары білім вице-министрі;

- Денсаулық сақтау вице-министрі;

- Индустрия және инфрақұрылымдық даму вице-министрі;

- Қаржы вице-министрі;

- Мәдениет және спорт вице-министрі;

- Оқу-ағарту вице-министрі;

- Төтенше жағдайлар бірінші вице-министрі;

- Ұлттық экономика вице-министрі;

- Цифрлық даму, инновациялар және аэроғарыш өнеркәсібі вице-министрі;

- Астана, Алматы және Шымкен қалалары мен 17 облыс әкімінің орынбасарлары;

- Үкімет Аппараты Әлеуметтік даму бөлімінің меңгерушісі

- «ҚР Ұлттық спорт түрлері қауымдастығы» заңды тұлғалар бірлестігінің президенті (келісім бойынша);

- «Самұрық-Қазына» Ұлттық әл-ауқат қоры» АҚ басқарушы директор (келісім бойынша);

- «Еуразиялық топ» жауапкершілігі шектеулі серіктестігінің байқау кеңесінің төрағасы (келісім бойынша).

Еске салайық, биыл ақпанда Ұлттық спорт қауымдастығының президенті Исламбек Салжановты қабылдаған Президент Қасым-Жомарт Тоқаев Дүниежүзілік көшпенділер ойындарын келесі жылы жоғары деңгейде өткізуді тапсырған еді.