Елордада Кенесары көшесі 2 аптаға жабылады
АСТАНА. 31 шілде. ҚазАқпарат - МТ4 жылу магистралінің жаңғыртылуына байланысты 3 тамыз күні сағат 23:00-ден бастап Кенесары көшесінің Бейбітшілік көшесінен Желтоқсан көшесіне дейінгі аралығы жабылады.
Жол қатынасы жөндеу жұмыстары аяталғаннан кейін 19 тамыз күні ашылады, деп хабарлады қала әкімдігінің баспасөз қызметінен.
Аталған учаскеге қызмет көрсететін №1, 9, 17, 18, 23, 25, 31, 32, 37, 47, 112 маршруттары Кенесары көшесі - Республика даңғылы - Абай - Желтоқсан - Кенесары көшелері арқылы қозғалып, ары қарай бұрынғы сызба бойынша жалғасады. Кері бағыттағы жол қатынасы да дәл осылай өрбиді.
