Елордада «Қолжетімді баспана-2020» бағдарламасы аясында салынған жаңа тұрғын үй кешені тапсырылды
АСТАНА. 12 желтоқсан. ҚазАқпарат - Астананың оң жағалауында «Қолжетімді баспана-2020» мемлекеттік бағдарламасы аясында салынған көп пәтерлі тұрғын үйді салтанатты тапсыру рәсімі өтті. Бұл туралы astana.kz сайтына «Қазақстанның Тұрғын үй құрылыс жинақ банкі» АҚ баспасөз қызметінен хабарлады.
«9 қабатты 99 пәтерлік тұрғын үй Шәкәрім Құдайбердіұлы к-сі 25/4 мекенжайында орналасқан. Баспасөз қызметінің хабарлауынша, баспана адамдарды қоныстандыруға дайын.
«Үйдің тұрғындары шаршы метрлерді мұқият тексеріп, үйдің сыртқы және ішкі өңдеулерінен бірде-бір кемшілік таппағандарын айтты»,- дейді банктегілер. Айта кетейік, бұл «Қолжетімді баспана-2020» мемлекеттік бағдарламасы аясында пайдалануға берілген үшінші нысан», - делінген ақпаратта.
