Елордада көңілділер мен тапқырлар клубының сайысы өтеді
АСТАНА. Желтоқсанның 19-ы. ҚазАқпарат - Желтоқсанның 22-інде елорданың Конгресс-Холл сарайында көңілділер мен тапқырлар клубының республикалық арнайы жобасы өтеді,
деп хабарлайды ҚазАқпарат.
ҚР Мәдениет және ақпарат министрлігі мен Қазақстан КТК одағы ұйымдастыратын сайысқа еліміздің 30-ға жуық командалары қатыспақ. Олардың қатарында «Көз тимесін», «Аграрка сарбаздары», «Ұлдар емес», «Қызықорда», «Шымқала», «Тарландар», «Сөз тимесін», «Күлтегін», «Еркетай», «Жигули», «Бауырсақтар» сынды топтар бар.
