Елордада күн суытады - Қазгидромет

АСТАНА. Қыркүйектің 8-і. ҚазАқпарат - Қыркүйектің 9-ы күні Астанада күн бұлтты болады, ауа температурасы күндіз - 13 градус, түнде - 3 градусқа дейін төмендейді, бірақ жауын-шашын болмайды.

Солтүстік-батыстан жылдамдығы 9-14 метр/секундқа жететін жел соғады, түнде және таңертең желдің екпіні 18 метр/секундқа дейін жетеді. Түнде температура - +1°+3 °С градусты көрсетеді, күндіз - +11+13 градусты шамалайды, деп хабарлады «Қазгидромет» орталығынан.