Елордада құтқару тыныс аппараттарын шығаратын зауыт ашылды
НҰР-СҰЛТАН. ҚазАқпарат – Елордада «Akbarys Protection» эвакуациялық құтқару қалқандарын шығарушы жаңа зауыттың салтанатты ашылуы өтті, деп хабарлайды әкімдік сайты.
Зауыттың ашылуына қала әкімінің орынбасары Малика Бектұрова қатысты. Зауыт «Астана – жаңа қала» АЭА аумағында орналасқан, әкімшілік тарапынан дамып келе жатқан бизнеске барлық көмек көрсетілуде.
Жобаның әлеуметтік мәні - халықты жұмыспен қамтамасыз ету. Олардың басым бөлігі – әйелдер. Мемелекет басшысы кәсіпкерліктің дамуы мен отандық тауар өндірушілерді қолдауға аса көңіл бөлетінін атап өткен жөн. Шағын және орта бизнес тұрақты азаматтық қоғамның негізі және барлық қазақстандықтардың әл-ауқаты оның шарықтауына байланысты.
