Елордада мемлекеттік қызметкерлер спартакиадасы өтуде
АСТАНА. 25 ақпан. ҚазАқпарат - Астанада мемлекеттік мекеме қызметкерлерінің арасында жыл сайын өтетін Спартакиада басталды. Бұл туралы Елорданың ресми сайты хабарлады.
Жарысқа Астана қаласының аудан әкімдіктері, Департамент пен Басқарма қызметкерлері спорттың 8 түрінен қатысады. Атап айтар болсақ, шаңғы, шахмат, шағын футбол, үстел теннисі, эстафета, арқан тарту және бильярд. Спартакиаданың алғашқы күні шаңғы жарысынан басталды.
Аталған шараны өткізудің басты мақсаты - бұқаралық спорт түрлерін насихаттап, мемлекеттік қызметкерлер арасындағы достық қарым-қатынасты нығайту. Жарыстың алғашқы күні 1-ші орынды Кучин, Щекотихин, Тониченко, Баранник сынды мемлекеттік және күштік құрылым қызметкерлері иеленді. Спартакиада 23 ақпаннан 4 мамырға дейін жалғасын табады.
