Елордада «Мемлекеттің бәсекелестікті шектейтін іс-әрекеті» тақырыбында семинар ұйымдастырылды

АСТАНА. Мамырдың 27-сі. ҚазАқпарат - ҚР Бәсекелестікті қорғау агенттігінде мамырдың 25-27-сі аралығында «Мемлекеттің бәсекелестікті шектейтін іс-әрекеті» тақырыбында семинар ұйымдастырылды,

деп хабарлайды ҚазАқпарат аталмыш ведомствоның баспасөз қызметіне сілтеме жасап.Семинар шеңберінде Еурокомиссияның бәсекелестік жөніндегі бас маманы Маркус Ханделин мемлекеттік орган қабылдайтын бәсекелестікке қарсы іс-әрекеттер және осы мәселедегі монополияға қарсы органның рөлі жайлы хабардар етті. Сондай-ақ сарапшы Еуроодақ елдерінде мәміле жасасу, үстем монополиялық жағдай, жоғары монополиялық баға белгілеу сияқты монополияға қарсы заңнаманың бұзылуына тергеу жүргізу және Еуропа Одағындағы оларды шешу жолдары туралы сөз қозғады.