Елордада өрт сөндіру және құтқару спортынан қалалық жарыс өтуде

АСТАНА. Шілденің 10-ы. ҚазАқпарат /Жасұлан Аманбайұлы/ - Елордада өрт сөндіру және құтқару спорты бойынша қалалық жарыс өтуде,

деп хабарлайды ҚазАқпарат.

Сайысқа елордалық өртке қарсы қызмет бөлімшелерінен жасақталған 9 команда қатысуда.

«Спортшылар жаттығу мұнарасының 3-ші қабатына сатымен көтерілу, 100 метрге жүгіру және жауынгерлік қанат жаю тәсілін орындау бойынша бәсекеге түсуде. Ең әсерлі және шешуші жарыс түрі болып - жауынгерлік қанат жаю жарысы саналады. Командалар оған дайындыққа көп көңіл бөледі, өйткені бұл нормативті тез және дұрыс орындай білу - қарсыластарды уақыт айырмашылығы бойынша артқа тастап кетуге мол мүмкіндік туғызады», деді Өрт сөндіру басқармасының бастығы Қайыргелді Мейрамов.

 Жарыс екі күнге созылады.