Елордада «Орыс тілін оқытудағы компьютерлік технологиялар» атты семинар өтеді
АСТАНА. Наурыздың 27-сі. ҚазАқпарат - Наурыздың 29-30-ы күндері ҚР Президенттік мәдениет орталығы мен Ресей Федерациясы «Орыс әлемі» қорының ұйымдастыруымен «Орыс тілін оқытудағы компьютерлік технологиялар» атты екі күндік семинар өтеді.
Семинардың мақсаты - тілді меңгеруде жаңа интерактивті технологияларды қолдану. Астана қаласының орта мектептерінің мұғалімдері қатысатын семинарда Санкт-Петербор қаласынан келген мұғалімдер дәріс оқиды. Ашылуы ҚР Президенттік мәдениет орталығы кітапханасында наурыздың 29-ы күні сағат 14-00-де болады.
