Елордада суретші Мұхтар Байбосынның «Туған жерім - алтын бесігім» атты жеке көрмесі ашылады
деп хабарлайды ҚазАқпарат аталған орталықтық баспасөз қызметіне сілтеме жасап.
Халқымыздың ұлттық дәстүрі мен бет-бейнесін айшықтайтын пейзаждар, натюрморттар мен тақырыптық композициялар орын алған суретшінің бұл көрмесі Тәуелсіздіктің 18 жылдығына арналған. Аталған көрмеде қылқалам шеберінің 40 туындысы жұртшылық назарына ұсынылмақ. Оның ішінде Қазақстанның табиғаты, салт-дәстүрі жайлы көрікті ойларды тоғыстырған шығармалары бар.
Бүгінгі таңда Қазақстанның мұражай қорларында, жеке коллекцияларда еңбектері сақталған қылқалам шеберінің көрмесі қаңтардың 10-ына дейін жалғасады.
Мұхтар Байбосын 1972 жылы Алматы қаласында дүниеге келген. Н.Гоголь атындағы Алматы көркемсурет училищесін, Абай атындағы Қазақ педагогикалық институтын бітірген. Дипломдық жұмысын «Ақан серi - Ақтоқты» тақырыбында сәтті қорғаған. Еңбек жолын қалалық кәсіпорында суретші-безендіруші болып бастаған ол бірқатар жоғары оқу орындарында педагогикалық қызметпен айналысқан. 2009 жылдан бері елордадағы Л.Гумилев атындағы Еуразия ұлттық университетінің дизайн факультетінде ұстаздық қызмет атқарады. Сондай-ақ №1 Өнер мектебінде сурет және кескіндеме пәні бойынша жас ұрпақты өнерге баулуда.