Елордада «Светлый» тұрғын үй кешенінің 12-ші қабатынан құрылысшы құлап, мерт болды

АСТАНА. Желтоқсанның 24-і. ҚазАқпарат - Астанада Шұбар шағын ауданында бой көтеріп жатқан «Светлый» тұрғын үй кешенінде құрылыс жұмыстарын жүргізу барысында 12-ші қабаттан 48 жастағы құрылысшы құлап, мерт болды,

деп хабарлады ҚР ТЖМ.

Оқиға желтоқсанның 23-і күні сағат 18.12-де болды.

Сондай-ақ осы күні Ақтау қаласы «Маңғыстау Құрылыс Инвест» ЖШС-ның құрылыс алаңында РДК-25 үлгісіндегі кранның құлауы салдарынан 1984 жылы туған азамат жараланып, сол орында көз жұмды.