Елордада тағы бір ауыл шаруашылығы жәрмеңкесі ашылады

жәрмеңке
Фото: Астана әкімдігі

АСТАНА. KAZINFORM – 29 маусымнан бастап Астанада Бейбарыс Сұлтан көшесінің бойында жаңа ауыл шаруашылығы жәрмеңкесі басталады. 

Астана әкімдігі ресми сайтының мәліметінше, жаңа жәрмеңке «Рио-де-Жанейро» ТК қарама-қарсы орналасады (Бейбарыс Сұлтан көшесі, 23). Ол күн сайын сағат 9.00-ден 20.00-ге дейін келушілер үшін ашық болады. 

Жәрмеңкеде жергілікті, сондай-ақ Түркістан, Жамбыл және Ақмола облыстарының тауар өндірушілерінің түрлі тауарлары ұсынылады.

Келушілер жаңа піскен көкөністер мен жемістерді, сапалы ет, ұн өнімдерін және басқа да көптеген ауылшаруашылық өнімін сатып ала алады.

Келушілерге ыңғайлы болу үшін жәрмеңкенің жанында № 49,73 автобус маршруттары өтеді. Бұл іс-шара өтетін жерге ыңғайлы қолжетімділікті қамтамасыз етеді.

Айта кету керек, елордада демалыс күндері жәрмеңке жұмыс істейді. Ол Сарыарқа ауданында Б. Соқпақбаев көшесі, 21 мекенжайында орналасқан. Бұл жәрмеңке әр демалыс күндері сағат 10:00-ден 19:00-ге дейін жұмыс істейді.

Соңғы жаңалықтар