Елордада Тәуелсіз Қазақстан дипломатиясының тарихына арналған кітаптың тұсаукесері өтті

АСТАНА. 6 наурыз. ҚазАқпарат - Бүгін елордадағы Ұлттық кітапханада «Қазақстан халықаралық қауымдастықта (жан-жақты дипломатия очерктері)» атты кітаптың таныстырылымы болды.

Туынды ҚР Президентінің көмекшісі Ержан Қазыхановтың редакциялауымен жарық көрген.

Кітапта Тәуелсіздіктің 20 жылы ішіндегі Қазақстанның жан-жақты дипломатиясы дамуының басты бағыт-бағдарлары, негізгі халықаралық және өңірлік ұйымдардағы біздің еліміздің қызметі, Мемлекет басшысы Н.Назарбаевтың бейбітшілікті алға жетелеу мен жаһандық қауіпсіздікті нығайту бастамаларының рөлі егжей-тегжейлі ашылып көрсетілген.

Тұсаукесер рәсіміне мемлекеттік органдарының, білім беру мекемелерінің, Қазақстанда тіркелген халықаралық ұйымдардың, ҚР Сыртқы істер министрлігінің өкілдері қатысты.