Елордада Тұран даңғылының бөлігінде көлік қозғалысы тоқтатылды

НҰР-СҰЛТАН. ҚазАқпарат - Қалалық көлік және жол-көлік инфрақұрылымын дамыту басқармасы Тұран даңғылында Достық көшесінен Қонаев көшесіне дейінгі учаскеде жол желісін орташа жөндеуді жоспарлап отыр, деп хабарлайды Нұр-Сұлтан қаласы әкімдігінің ресми сайты.

«10-20 мамыр аралығында аталған учаскеде автокөлік қозғалысы ішінара жабылады. Елорда тұрғындары мен қонақтары кептелістің алдын алу үшін өз бағдарын алдын ала жоспарлауы қажет», – делінген басқарма хабарламасында.