Елордада Ұлыбритания патшайымы II Елизаветаның құрметіне сквер ашылады
АСТАНА. ҚазАқпарат – Осы аптада Астанада Ұлыбритания патшайымы II Елизаветаның құрметіне сквер ашылады. ҚР Сыртқы істер министрлігінің ресми өкілі Айбек Смадияров ведомствода өткен брифигіде айтты, деп хабарлайды ҚазАқпарат тілшісі.
«2023 жылғы 17-18 наурызда Ұлыбритания және Солтүстік Ирландия Құрама корольдігінің Сыртқы істер, достастық және даму министрі Джеймс Клеверлидің Қазақстанға сапары өтеді. Астанада Джеймс Клеверли Президент Қасым-Жомарт Тоқаевтың және Премьер-Министр Әлихан Смайыловтың қабылдауында болады», - деді Айбек Смадияров.
Қазақстан Сыртқы саяси ведомствосының басшылығымен келіссөздер ұйымдастырылмақ.
«Сапар аясында Астанадағы саябақтардың бірінде II Елизавета атындағы сквердің ашылу салтанаты өтеді», - деді ол.
Бұған дейін хабарланғандай елордадағы шағын саябаққа Ұлыбритания патшайымы ІІ Елизаветаның есімін беру ұсынылған еді.
