Елордада «Зерде» олимпиадасы өтіп жатыр
АСТАНА. ҚазАқпарат - Астана қаласы Білім басқармасы «Астана дарыны» өңірлік ғылыми-практикалық орталығының ұйымдастыруымен 5-6 сынып оқушылары арасында І «Зерде» аймақтық математикалық олимпиадасын өткізуде.
Білім бәсекесіне еліміздің әр өңіріндегі жалпы орта білім беру мекемелерінен 5-6 сынып оқушылары қатысуда.
Олимпиаданың мақсаты - математика, жаратылыстану бағытында қабілеті жоғары дарынды оқушыларды қолдау және дамыту, оқушылардың олимпиадаларға дайындық жүйесін жетілдіру.
Олимпиада төрт кезеңде өткізіледі:
1-ші және 2-ші кезең - Олимпиаданың 1-ші күні (тестілеу және олимпиада есептерін шешу);
3-ші кезең - Олимпиаданың 2-ші күні (ауызша, 5, 6-сынып оқушыларынан құрылған команда (3 оқушыдан) ауызша есептің шешілуін қазылар алқасы алдында қорғау);
4-ші кезең - команданың жетекші мұғалімдері арасында өткізіледі.
Олимпиадаға Астана, Қарағанды, Павлодар қаласынан және Назарбаев интеллектуалдық мектебінен 5-6 сынып оқушыларынан құрылған командалар қатысуда, деп хабарлайды astana.k.
