Елордада Жақсылық Үшкемпіровке ескерткіш ашылды
НҰР-СҰЛТАН. ҚазАқпарт - Бүгін Нұр-Сұлтан қаласындағы Жекпе-жек сарайының алдында қазақтың даңқты спортшысы, Олимпиада чемпионы Жақсылық Үшкемпіровке ескерткіш орнатылды.
Бұл туралы ҚазАқпарат Нұр-Сұлтан қаласының Дене шынықтыру және спорт басқармасына сілтеме жасап хабарлайды.
Ескерткіштің ашылу рәсіміне Мәдениет және спорт министрі Ақтоты Райымқұлова мен Нұр-Сұлтан қаласы әкімінің орынбасары Асхат Оралов, бокстан Олимпиада ойындарының жеңімпазы Данияр Елеусінов арнайы қатысты.
2019 жылы ашылған Жекпе-жек сарайына былтырғы жылдың желтоқсан айында Жақсылық ағамыздың есімі берілген болатын.
Жақсылық Әмірәліұлы Үшкемпіров-грек-рим күресінің палуаны, Олимпиада чемпионы, Қазақстанның Еңбек Ері, КСРО-ның еңбек сіңірген спорт шебері (1980). Әлем чемпионы. «Құрмет белгісі» орденінің иегері.
Фото: inbusiness.kz
