Елордада және өзге 8 қалада ауа сапасы нашарлайды

НҰР-СҰЛТАН. ҚазАқпарат – 2 желтоқсан күні Қазақстанның 9 қаласында қолайсыз метеорологиялық ахуал күтіледі, деп хабарлайды ҚазАқпарат.

«Қазгидромет» РМК мәліметінше, Қостанай, Қызылорда, Нұр-Сұлтан, Павлодар, Петропавл, Семей, Талдықорған, Өскемен, түнде Көкшетау қалаларында ауа ластануының жағымсыз метеожағдайы қалыптасады.

Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.