Елордада жолаушылар автобусы мен тепловоз соқтығысты
НҰР-СҰЛТАН. ҚазАқпарат – Елордада теміржолды қиып өтіп бара жатқан №53 бағдардағы автобус пен тепловоз соқтығысты. Бұл туралы Бұл туралы «Astana LRT» ЖШС қоғаммен байланыс департаментінің басшысы Науат Азанбаева мәлім етті, деп хабарлайды ҚазАқпарат тілшісі.
«13 қыркүйек күні сағат 06:20 кезінде Жетігін көшесінде Пушкин көшесі бағытында №53 бағдарындағы автобус пен тепловозға қатысты жол-көлік оқиғасы тіркелді. Көлік апаты кезінде автобуста жолаушылар болмаған. Оқиға орнына келген полицейлер автобус жүргізушісіне әкімшілік хаттама толтырды», - деді Н. Азанбаева.
Аталған қоғамдық көліктің жүргізушісі рейсті бастау үшін базадан аялдамаға қарай жүрген.
Жол апатынан кейін автобус жүргізушісі жұмысынан шеттетілді. Жол көлік оқиғасы бойынша тексеру жүргізіліп жатыр.
