Елордадағы Мәңгілік ел даңғылы уақытша жабылады

АСТАНА. KAZINFORM - 3 қарашада Астанада сағат 08:00–ден 20:00–ге дейін Мәңгілік ел даңғылының бойында Сығанақ көшесімен қиылысатын жерде көлік қозғалысы мен қоғамдық көліктер қозғалысы толығымен шектеледі. Бұл туралы Астана қаласының мониторинг агенттігі хабарлады.

«Құрметті елорда тұрғындары мен қонақтары! 3 қарашада сағат 08:00–ден 20:00–ге дейін № 12, 15, 15 А, 18, 19, 21, 32, 35, 43, 46, 50, 55 А, 55 Б, 61, 70 бағдарлардың қозғалыс сызбасы уақытша өзгереді. Себебі, LRT эстакадасының уақытша металл тіректерін демонтаждауға байланысты, Мәңгілік ел даңғылы бойында Сығанақ көшесімен қиылысында қозғалыс жабылады», — делінген мониторинг орталығы хабарламасында.

Астана қаласының мониторинг агенттігі қала қонақтары мен тұрғындарынан сапарларын алдын ала жоспарлауды ескертті.