Елордадағы «Қазанат» ипподромында ат бәйгесі өтеді
АСТАНА. ҚазАқпарат - 6 шілдеде елорда төріндегі «Қазанат» ипподромында бәйге түрлерінен республикалық турнир жалауын көтереді, деп хабарлайды Астана әкімдігінің ресми сайты.
«Астана кубогы» үшін өтетін ұлттық спорт мерекесі екі қашықтық бойынша (аламан - 25 шақырым, бәйге - 16 шақырым) ұйымдастырылмақ. Бәйге түрлерінен «Астана кубогын» сарапқа салуға республикамыздың барлық облыстары, Астана және Алматы қалалары 2 жүйріктен қоса алады.
Астана қаласының 20 жылдығын мерекелеу аясында өтетін бәйгенің жалпы жүлде қоры - 20 000 000 теңге. 25 шақырымды құрайтын аламан бәйгенің бас жүлдесі - 20 000 $ құрайды.
Бәйге түрлерінен өтетін республикалық турнир ҚР Ұлттық спорт қауымдастығы жариялаған «Астананың 20 жылдығына - 20 ұлттық-спорттық іс шара» науқаны аясында ұйымдастырылып отыр.
