Елордадағы сауда орталығында Қорғаныс министрлігінің әскери оркестрі концерт қойды
НҰР-СҰЛТАН. ҚазАқпарат – ҚР Қорғаныс министрлігінің әскери оркестрі Нұр-Сұлтандағы «Ханшатыр» сауда ойын-сауық орталығында 8 наурыз мерекесіне орай, орталыққа келушілерге концерт қойды, деп хабарлайды ҚазАқпарат.
ҚР Қорғаныс министрлігінің баспасөз қызметінің хабарлауынша, онда оркестрдің және жекелей орындаушылардың орындауында түрлі туындылар орындалды. Сондай-ақ сауда орталығына келушілер де түрлі аспаптарда ойнап, оркестрдің қызметіне үлес қосты. Сарбаздар кішкентай бүлдіршіндердің де көңілін аулап, оларға қызықты қойылымдар ұйымдастырды.
Фото: Министерства Обороны Республики Казахстан
