Елордадағы субұрқақтар 1 мамыр күні іске қосылады
«Биыл елордада субұрқақтар 1 мамырда іске қосылады. Қазір аудандық әкімдіктер фонтан кешендерін қалпына келтіру және жөндеу жұмыстарын жүргізіп жатыр. Байқоңыр ауданы әкімі аппаратының теңгерімінде екі субұрқақ нысаны бар: Республика даңғылы 34-те (»Жастар« сарайы) – 3 және Республика даңғылы 6-да (»Есіл« СҮ) - 1 бірлік. Ағымдағы жылы аудан әкімдігі оларды қайта жаңартуды жоспарламайды», - делінген хабарламада.
Сарыарқа ауданында барлық субұрқақтар әкімдік қарамағында емес. 10 нысанның біреуі Нұр-Сұлтан қаласының қоршаған ортаны қорғау және табиғатты пайдалану басқармасының теңгерімінде. Бұл ретте субұрқақтардың каскады биыл әкімдіктің балансына беріледі.
Ауданда «Өмір ағашы»,«Сиреневый» фонианы, Абай/Желтоқсан, «Ақжайық», «Атырау», «Жастар театры», Мәскеу көшесіндегі сквердегі, «Айналмалы доп», Әлия Моладғұлова ескерткішіндегі субұрқақтар орналасқан.
«Алматы ауданында да субұрқақтар іске қосылып, қайта қалпына келтіріліп жатыр. Аудан әкімдігінің балансында 9 субұрқақ пен субұрқақ кешені бар. Олар – «Президенттік саябақ«, «Қазақ Елі«, «Әзірет Сұлтан«, Отан қорғаушылар алаңындағы субұрқақ кешендері, Тәуелсіздік Сарайы жанындағы, «Бейбітшілік және келісім« сарайының жанындағы субұрқақтар кешендер. Сонымен қатар Б.Момышұлы даңғылындағы Оқушылар сарайындағы фонтан, Б.Момышұлы ескерткіші жанындағы скверде орналасқан субұрқақ және Студенттер саябағындағы «Ақ бұлақ« субұрқағы», - деп жазды ведомстводан.
Субұрқақтар саны бойынша абсолютті рекордшы - Есіл ауданы. Ауданда барлығы 27 субұрқақ кешені бар, оған 46 субұрқақ кіреді. Оның екеуі толық қайта құруды қажет етеді, олар – Дипломатиялық қалашықтағы шаршы субұрқақ пен фонтан.
