Елордаға «Спутник V» екпесінің екінші компоненті жеткізілді
НҰР-СҰЛТАН. ҚазАқпарат – Елордаға «Спутник V» екпесінің екінші компоненті жеткізілді, деп хабарлайды ҚазАқпарат тілшісі.
«Қарағанды фармацевтикалық кешені елордалық тұрғындарды вакцинациялау үшін «Спутник V« екпесі екінші компонентінің кезекті траншын жөнелтті. Жалпы алғанда, Нұр-Сұлтан қаласына 148 745 доза үлестіріледі. Препаратты тасымалдаудағы ең маңызды шарт - суық тізбекті сақтау. Вакцина елордаға жетті», - деп жазды ҚР ДСМ Санитариялық-эпидемиологиялық бақылау комитетінің баспасөз хатшысы Ержан Байтанаев Telegram парақшасында.
