Елордалық ішкі істер департаментіне экономикалық колледжге бомба қойылғандығы туралы хабар түсті

АСТАНА. Ақпанның 26-сы. ҚазАқпарат - Елордада экономикалық колледжге бомба қойылғандығы туралы анонимді хабар түсті,

деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап. Қоңырау Ішкі істер департаментінің пультіне кеше, ақпанның 25-і күні таңертең түскен. Сембинов көшесінде орналасқан колледж ғимаратында тексеру барысында ешқандай жарылғыш құрылғы табылған жоқ. Бұл - соңғы күндері құтқарушыларды дүрліктірген екінші қоңырау. Ақпанның 24-інде департаментке қоңырау шалған белгісіз біреу, ескі теміржол вокзалының ғимаратына бомба қойылғанын хабарлаған болатын. Жүргізілген арнайы іс-шаралар барысында ешқандай бомба табылған жоқ.