Елордалық қаржы полициясы С.Сейфуллин атындағы мұражайдың екі қызметкерінің үстінен қылмыстық іс қозғады
АСТАНА. Ақпанның 23-і. ҚазАқпарат – Елордалық экономикалық және сыбайлас жемқорлыққа қарсы күрес департаменті ҚР Қылмыстық кодексінің 176-шы бабының 3-тармағы бойынша (сеніп тапсырылған бөтен мүлікті талан-таражға салу) С.Сейфуллин атындағы мұражайдың лауазымды тұлғасына және есепшісіне қатысты қылмыстық іс қозғады,
деп хабарлайды ҚазАқпарат департаменттің баспасөз қызметіне сілтеме жасап. Мұражай қызметкерлері мұражайда жұмыс істемейтін ғылыми қызметкер мен экскурсоводтың жалақысын алып келген. Олардың қалталарына түскен бюджет қаражаты 481 мың теңгеге бағаланып отыр.
