Елордалық құқық қорғаушылар ірі көлемде есірткі затын саудаламақ болған азаматты құрықтады
АСТАНА. Наурыздың 27-сі. ҚазАқпарат - Елордалық құқық қорғаушылар 2 келіден астам есірткі затын саудаламақ болған 43 жастағы азаматты құрықтады.
Бұл туралы Астана қалалық ішкі істер департаментінің тіл саясаты және ақпарат бөлімінен хабарлады.
«Допинг» жедел алдын алу іс-шарасы барысында Есірткі бизнесімен күрес басқармасының қызметкерлері Мақтұмқұлы көшесінде орналасқан пәтерлердің бірінен есірткі затын саудаламақ болған азаматты тұтқындаған. Оның жеке заттарын тексеру барысында 5 граммға жуық есірткінің ең ауыр түрі - героин тәркіленген.
«Аталған іс бойынша Қазақстан Республикасы Қылмыстық кодексінде мүлкін тәркілеу арқылы 10-нан 15 жылға дейін бас бостандығынан айыру жазасы қарастырылған қылмыстық іс қозғалды», делінген баспасөз хабарламасында.
