Ең үлкен отбасы қай елде?

АСТАНА. 6 тамыз. ҚазАқпарат - Үндістанның Мизорам штатында әлемдегі ең үлкен отбасы өмір сүруде. Олар ең үлкен отбасы ретінде Гиннес рекордтар кітабына енген.

Үйдің отағасы-Цион Ханның 39 әйелі, 94 баласы және 33 немересі бар, барлығы 167 адам. Олардың наным-сенімі (діні) бойынша, ер адам қанша әйел алғысы келсе де рұқсат.Цион Хан мырза отбасын басқару үшін әскери режим орнатқан. Яғни біреуі балаға қараса, енді біреуі үй жинап, тамақ пісіреді. Кешкі асқа 220 келі күріш, 132 келі картоп, 30 дана тауық еті кажет екен.

Бұл отбасы 4 қабатты, 100 бөлмеден тұратын үлкен үйде өмірін жалғастыруда. Соңғы жылы отбасындағы әйелдер саны 10-ға көбейген. 

Мақала «Ел газетінде» басылды.