Еңбекке қабілетті мүгедектердің тек 3 пайызы ғана жұмыспен қамтылған - А. Самақова

АСТАНА. Мамырдың 25-і. ҚазАқпарат /Қанат Мәметқазыұлы/ - Қазіргі таңда еңбекке қабілетті мүгедектердің тек 3 пайызы ғана жұмыспен қамтылған. Бұл туралы бүгін «Демографиялық өзгерістер тұрғысындағы отбасы саясатының негізгі тұжырымдары мен халықаралық үрдістер» тақырыбында дөңгелек үстел барысында Мәжіліс депутаты Айткүл Самақова мәлім етті,

деп хабарлайды ҚазАқпарат.

«Депутаттар тарапынан еліміздегі мүгедектердің құқын қорғау мәселесі ұдайы көтеріліп келеді. Осы санатқа жататын азаматтардың басындағы ең үлкен проблема - жұмысқа орналасу, бүгінгі күні еңбекке қабілетті жастағы мүгедектердің тек 3 пайызы ғана жұмыспен қамтылған», деді А. Самақова. Оның айтуынша, мүгедектердің проблемасы мүмкіндігі шектеулі адамдардың құқығын қамтамасыз ету және олардың өмірін жақсартуға бағытталған Ұлттық іс-қимыл жоспары аясында шешімін табатын болады. Бұл ретте Үкімет тарапынан осы мақсаттағы арнайы жұмыс тобы да құрылған.

Бұдан бөлек, депутаттың сөзіне қарағанда, елімізде 1,2 млн.-ға жуық адам есту қабілетінің түрлі деңгейдегі бұзылуына шалдыққан. Олардың басым бөлігін балалар құрап отыр. «Бұл біздің еліміз үшін аса үлкен көрсеткіш», деді депутат