Ендігі жерде тұрғындар астаналық деген атқа лайық болуы керек - Елбасы

АНА. Сәуірдің 2-сі. ҚазАқпарат /Қанат Мәметқазыұлы/ - Ендігі елорда экономикалық капиал өсімінің белдігіне айналуы тиіс. Қазақстандағы өркендеудің көрсеткіші, қандай жаңалықтар болу қажеттігі бойынша елорда басқа қалаларға үлгі болуы керек.

Бүгін Астана қаласының алдағы даму жөніндегі сәулет-құрылыс кеңесі барысында Мемлекет басшысы Нұрсұлтан Назарбаев осылай мәлім етті, деп хабарлайды ҚазАқпарат.

«Астанада халықты емдейтін орталықтар бар. Жастардың білім алатын, спортпен айналысатын мекемелері жеткілікті. Халыққа олардың ойын-сауығына барлық жағдай жасалған. Бір сөзбен айтқанда, астанамыздың негізін қаладық. Яғни, елорда құрылысының негізгі шараларының бәрі бітті. Ендігі жерде тұрғындар астаналық деген атқа лайық болуы керек. Астаналықтардың жүріс-тұрысы да, мәдениеті де атына сай болуы тиіс», деді Н. Назарбаев.