Энергетика және минералдық ресурстар министрлігі 2015 жылға дейін ішкі нарықтағы газ бағасын қалыптастыруда жаңа жүйені енгізуді ұсынды
АСТАНА. Мамырдың 12-сі. ҚазАқпарат /Руслан Ғаббасов/ - Бүгін Үкімет отырысында Энергетика және минералдық ресурстар министрлігі 2015 жылға дейін еуропалық деңгейден көлік бағасы мен оған қоса тағы 25 пайызды алып тастай отырып,
ішкі нарықта кезең-кезеңмен газ бағасын көтеруді ұсынды, деп хабарлайды ҚазАқпарат.
Оның айтуынша, алдағы уақытта газ құны әрдайым нарықтық бағаға сәйкес болмақ. Себебі бұл импорттық тасымалға және газдың жетіспеушілігіне байланысты.
Сонымен қатар министр 2020 жылдан бастап ішкі нарықтағы газ құнын еуропалық бағаға теңдестіріп көшіріп, одан көлік шығынын алып тастауды ұсынды. Оның сөзіне қарағанда, Ресей бұл шараларды 2011 жылы жүзеге асырмақ.
