ЕО комиссиясы АҚШ тарифтеріне қарсы шаралар дайындауда

АСТАНА. KAZINFORM — АҚШ-тың Еуропадан импортталатын автомобильдерге жаңа баж салығын енгізу туралы мәлімдемесінен кейін, Еуропалық комиссия (ЕК) АҚШ-тың жаңа тарифтері келесі аптада күшіне енгенге дейін қандай да бір қарсы шаралар қабылдау туралы шешім шығармайтынын хабарлады, деп жазады Euronews.

«Қажет болған жағдайда, біз АҚШ-тың әділетсіз және тиімсіз шараларына қатаң, пропорционалды, сенімді, мұқият есептелген және уақтылы жауап береміз», — деп мәлімдеді.

Алайда ол ЕО-ның нақты қашан әрекет ететінін айту қиын екенін жеткізді, себебі алдымен АҚШ тарифтерінің күшіне енуін күту қажет.

АҚШ тарифтері және ЕО-ның ықтимал жауаптары

• АҚШ 2 сәуірде Еуропадан импортталатын автомобильдерге 25%-дық тарифтер енгізеді.

• Сонымен қатар, АҚШ ЕО-дан импортталатын болат пен алюминийге тарифтерді енгізген болатын.

• Қазіргі уақытта ЕО жауап ретінде қандай тарифтер енгізетінін талқылауда. Бұл тарифтер жеке еуропалық елдерге немесе ЕО-ға тұтас блок ретінде бағытталатыны белгісіз.

ЕО-ның ықтимал қарсы шаралары

ЕО-ның жоспары:

• Мүше елдермен кеңесу — АҚШ-тың қандай тауарларына тариф енгізу керектігін анықтау.
• Бұрын тоқтатылған тарифтерді қайта қарау — Трамп әкімшілігі кезінде болат пен алюминийге енгізілген тарифтерге қатысты сауда дауы барысында белгіленген, бірақ кейінге қалдырылған тарифтерді қайта күшіне енгізу мүмкіндігі қарастырылуда.
• АҚШ-тың қосымша тауарларына тариф енгізу — Брюссель ЕО-ның алдағы қадамдарын мұқият таразылап жатыр, бұл шаралар сәуірдің ортасына қарай іске қосылуы мүмкін.

Сауда соғысының ықтимал салдары

• ЕО мен АҚШ арасындағы сауда шиеленісі күшейеді.
• Жауап ретінде АҚШ жаңа тарифтер енгізуі мүмкін, бұл сауда қатынастарын одан әрі ушықтырады.
• ЕО-ның «антиқысым құралы» іске қосылуы мүмкін — 2023 жылы қабылданған, бірақ әлі қолданылмаған бұл тетік зияткерлік меншікті қорғау немесе үшінші елдерге лицензиялауды шектеу сияқты шараларды қамтиды. Кейбір сарапшылар оны «саудадағы ядролық опция» деп бағалап отыр.

АҚШ-тың автомобильдерге тариф енгізу туралы шешімі Еуропада үлкен қарсылық тудырды. Бұған дейін ЕО-ның АҚШ-пен сауда соғысына кіргені туралы хабарланған.

Сарапшылардың есебінше, Трамп енгізген тарифтердің салдарынан ЕО 13,1 миллиард еуро шығынға ұшырауы мүмкін.