ЕО Шығыс Иерусалимде қосымша елді мекендердің салынуына алаңдаушылық білдірді

ЕО
Фото: pixabay

Еуропалық Одақ Израиль Кнессетінің 2023 жылға арналған түзетілген бюджетте бекітілген елді мекендер құрылысын және соған байланысты іс-шараларды қосымша қаржыландыру туралы шешіміне алаңдаушылық білдіреді, деп хабарлайды Kazinform.

Еуропалық Одақ Израильдің Шығыс Иерусалим мен оның айналасындағы қоныстандыру саясаты мен іс-әрекетіне қарсылық танытты.

Бұл қосымша бюджетті бекіту басып алынған батыс жағалауда экстремистік қоныстанушылар тарапынан палестиналықтарға қарсы зорлық-зомбылықтың күшеюі аясында жасалып отыр әрі бұрын-соңды болмаған деңгейге жетті, деп жазды Еуропаның сыртқы әрекет қызметі.

- 7 қазанда ХАМАС-тың Израильге жасаған лаңкестік әрекетінен кейін қоныстанушылар зорлық-зомбылығы күрт өсті және шамамен 1000 палестиналық үйлерін тастап кетуге мәжбүр болды. Заңсыз қоныстардың кеңеюі және палестиналықтардың мәжбүрлі қоныс аударуы батыс жағалаудағы қауіпсіздікке нұқсан келтіреді. Бұл Израильді қауіпсіз ете алмайды. Елді мекендер халықаралық гуманитарлық құқықтың өрескел бұзылуы, «екі мемлекетті шешімге» елеулі кедергі және аймақтық тұрақтылыққа қауіп төндіреді, - деп атап өтті Еуроодақ.

Соңғы жаңалықтар