Ердоған Меккеге қажылыққа барды
АСТАНА. ҚазАқпарат - Түркия Президенті Режеп Тайып Ердоған Меккеге кіші қажылыққа барды. Сауд Арабиясына сапары барысында ол Масджид әл-Харам мешітінде болды.
Ердоған өзінің зайыбы Эминемен, Түркия СІМ басшысы Мәуліт Чавушоғлы және басқа да министрліктер басшыларымен бірге қажылық парызын өтеді, деп жазады Утро.ру.
Түркия делегациясы сондай-ақ Мединедегі Масджид ән-Набави мешітінде болмақ, бұл жерде Мұхаммед пайғамбар жерленген.
Түркия Президенті Сауда Арабиясына король Салман ибн Абдул-Әзиз Әл Саудтың шақыруымен келді.
