Эрика Жайлауова Sofia Cup турнирінде қола медаль жеңіп алды
АСТАНА. KAZINFORM – Болгария астанасы Софияда өтіп жатқан көркем гимнастикадан халықаралық турнирде көпсайыстан жекелей сынның іріктеуі аяқталды.
Спортты дамыту дирекциясының баспасөз қызметі мәлім еткендей, көпсайыста қазақстандық Эрика Жайлауова 125.15 ұпай жинап, 3-орынды жеңіп алды.
Мұнда болгариялық гимнастар – Боряна Колейн мен Эльвира Краснобаева жақсы нәтиже көрсетті. Тағы бір отандасымыз Айым Мейіржанова 4-сатыдан көрінді (124.25 балл).
Бұл бағдарламаның финалы ертең өтеді.
Енді ұлттық құрама спортшылары Милана Парфилова – доп, шығыршық, лентадан, ал Эрика Жайлауова – шығыршық, доп, ұршықтан, Айым Мейіржанова – ұршық пен лента жаттығуында жүлдеге таласады.
Осы орайда айта кетейік, Эрика Жайлауова 2023 жылы Валенсиядағы лицензиялық әлем чемпионатының іріктеу сатыснда финалдық кезеңге өтуге сәл ғана жетпей, 19-орынға тұрақтаған еді. Сонымен қатар ол өткен жылы Ханчжоу төріндегі командалық жарыста 3-орын алған болатын.
