Еркін күрес шебері Ержет Жарылқасын UWW әлемдік рейтингінде көш бастады

АСТАНА. KAZINFORM – Қазақстандық балуан Ержет Жарылқасын Біріккен күрес әлемінің (UWW) жаңартылған әлемдік рейтингінде бірінші орынға көтерілді. Бұл туралы ҰОК-ның баспасөз қызметі хабарлады. 

Отандасымыз Тирана (Албания) қаласында олимпиадаға кірмейтін салмақ дәрежелері бойынша өткен әлем біріншілігінде сәтті өнер көрсетті. Содан кейін Ержет турнирлік кестедегі орнын жақсартып, көш басына шықты. 

Чемпионатта Е. Жарылқасын грек рим күресінен 63 келіге дейінгі салмақ дәрежесінде финалға шығып, әзербайжандық Нихат Маммадалиға есе жіберді. 

Дей тұрғанмен Ержеттің қоржынында 47 000 ұпай бар. Маммадали 45 000 ұпаймен екінші орынға орналасса, үшінші орынға 31 000 ұпаймен армениялық Карен Асланян тұрақтады. 

Еске сала кетейік, бұған дейін грек-рим күресінен әлем чемпионатының жүлдегері Ержет Жарлықасынға көлік сыйға берілгенін жазған едік.