Ерлік Сертай — семсерлесуден Гран-при турнирінің күміс жүлдегері атанды

АСТАНА. KAZINFORM — Мажарстан астанасы Будапешт қаласында өтіп жатқан семсерлесуден сапы сайысы бойынша Гран-при турнирінде қазақстандық Ерлік Сертай күміс медаль жеңіп алды, деп хабарлайды Спортты дамыту дирекциясының баспасөз қызметі.

Ақтық сында отандасымыз жарыс қожайыны, мажарстандық Давид Надьмен кездесіп, 12:15 есебімен қарсыласына жол берді.

Айта кетейік, беделді додаға 49 елден 352 ер және 282 әйел спортшы қатысып жатыр. 

Қазақстан құрамасы бұл жарыста толық құраммен өнер көрсетіп жатыр. Бас бапкер — Алексей Писцов.

Ерлер құрамында:

• Эльмир Әлімжанов,
• Вадим Шарлаимов,
• Кирилл Проходов,
• Ерлік Сертай,
• Кирилл Павлов,
• Александр Федотов
• және Никита Жулинский бақ сынауда.

Осыған дейін Бразилиядағы әлем чемпионатында қазақстандық Нұрмұхаммед Жайлыбай қылыштасудан қола медальға ие болғанын жазғанбыз.