Ернұр Сүлеймен – ашыртмалы аба гюрешинен күміс жүлдегері
АСТАНА. KAZINFORM – V Дүниежүзілік көшпенділер ойындарында ашыртмалы аба гюрешинен қазақстандық спортшы Ернұр Сүлеймен күміс жүлдені ұтып алды.
Ол финалда қырғызстандық спортшы Роман Сапаровқа есе жіберді.
Айта кетейік, ашыртмалы аба гюреши – түрік халқының ұлттық ойыны. Қазақстандық 5 балуан іріктеу кезеңіне қатысып, оның 3-еуі финалға өтті. Олар:
Ернұр Сүлеймен – 60 келі салмақ дәрежесі;
Әділет Ахметғали – 70 келі салмақ дәрежесі;
Айдос Ғалымов – 90 келі салмақ дәрежесі.
Еске сала кетсек, V дүниежүзілік көшпенділер ойындарының «ашыртмалы аба гюрешине» 19 мемлекеттен 74 спортшы бағын сынап жатыр.
Бүгін Қазақстан көкпардан Көшпенділер ойынының чемпионы болды.
Бүгін, 12 қыркүйек күні Астана қаласында V Дүниежүзілік көшпенділер ойындарына қатысушы спортшылар 7 спорт түрінен сынға түсіп жатыр.
