Ертең 7-ші Қысқы Азиаданың әнұраны белгілі болады
АЛМАТЫ. Қазанның 14-і. ҚазАқпарат /Ербол Тұрымбетов/ - Ертең 2011 жылғы 7-нші Қысқы Азия ойындары ресми әнұранына жарияланған ашық байқау жеңімпаздарының есімдері белгілі болады. Бұл туралы ертең Қазақстан баспасөз клубында өтетін баспасөз мәслихатында мәлім етіледі.
Айта кетейік, аталмыш байқау бұдан бұрын тамыз айының 24-і күні жарияланған болатын. Конкурсқа қатысушылардың өтініштері қазанның 10-ы күні аяқталды. Жалпы, байқауға Қазақстан аумағында тұратын кез келген азаматтың қатысуға мүмкіндігі болды. Ал үздік шығармаларды таңдау осы айдың 10-14-і аралығында жүргізілді.
Байқаудың әділқазылар алқасы елімізге танымал 8 әнші-композиторлардан құралды. Ал қазылар алқасын «7-ші қысқы Азия ойындарын ұйымдастыру комитетінің атқарушы дирекциясы» АҚ президенті Анатөлі Құлназаров басқарған болатын.
