Ертең Алматының бірнеше көшелерінде суық су болмайды
АЛМАТЫ. 12 қыркүйек. ҚазАқпарат /Әділет Мұсахаев/ - Алматы су холдингі су құбырларына қайта жөндеу жұмыстарын жүргізуіне байланысты ертең қаладағы бірнеше көше бойындағы үйлерге суық су беруді уақытша тоқтатындығын хабарлайды.
Аталған мекеменің баспасөз қызметі хабарлағандай таңғы сағат 10:00-ден 14:00-ге дейін қала маңындағы Юбилейный ауылының Қайсенов пен Оңдасынов көшелерінде, Горной мен Тәттімбет көшелері бойында жөндеу жұмыстары жүргізіліп, суық су тоқтайды.
Сонымен қатар таңғы сағат 09:00-ден 18:00-ға дейін Шашкин көшесі бойындағы №1-15 үйлерде, №12 қалалық емханада, Герцен, Вильямс, Ш. Руставели, Ярославск, Парковая, Кожедуб көшелері бойында суық су уақытша тоқтатылады.
Алматы су холдингі уақытша орын алған келеңсіздік үшін кешірім сұрайды.
