Ертең Астанада балабақшаға 300-ден астам жолдама беріледі
АСТАНА. ҚазАқпарат - 2 қазанда № 95 «Almaty balabaqshasy» (Алматы к, 4) және № 54 «Нұр-ай» (Қарқабат к, 15) балабақшаларына электронды жолдама беру басталады, деп хабарлайды ҚазАқпарат елорда әкімдігінің ресми сайтына сілтеме жасап.
Өз уақытында құжат тапсырған ата-аналар және орын алғандарға смс-хабарлама келеді. Балабақшаға берілетін жолдаманы анасы немесе әкесі ЭЦҚ-кілті арқылы E.ASTANA.KZ сайты арқылы алады. Жолдама қазақ және орыс топтарына беріледі.
Айта кетейік, жоғарыда көрсетілген балабақшадағы орынды үш күннің ішінде (2, 3 және 4 қазанда) таңдауға болады. 5 қазан таңертеңнен бастап сұраныс болмаған орындар қолжетімді бос орындарға жүктеледі, яғни оны келесі кезектегілер алады.
Астаналық білім басқармасы астана тұрғындарына электронды кезекке қою туралы сұрақтар бойынша консультация күндері болатынын тағы да еске салады. Ол әр сәрсенбіде сағат 9-дан 18.00-ге дейін барлық мектепке дейінгі мекемелерде өтеді. Толық ақпаратты мына телефондар арқылы алуға болады: 55-68-73, 55-68-83.
Айта кетейік, 2017 жылдан бастап 55 мың орын электронды жүйе арқылы берілді.
