Ертең Астанада LRT конструкцияларды уақытша демонтаждауға байланысты жол жабылады

АСТАНА. KAZINFORM – Ертең, 27 қазанда таңертеңнен түскі уақытқа дейін Мәңгілік Ел даңғылы бойында Сығанақ көшесімен қиылысында жолды толығымен жабу жоспарланып отыр. Бұл туралы «City Transportation Systems» ЖШС хабарлады.

«Құрметті Астана қаласының тұрғындары мен қонақтары! 27 қазанда сағат 08.00-ден 14.00-ге дейін LRT эстакадасында уақытша металл конструкцияларды демонтаждауға байланысты Мәңгілік Ел даңғылы бойында Сығанақ көшесімен қиылысында жолды толығымен жабу жоспарланды. Сапарларыңызды алдын ала жоспарлауды сұраймыз. Уақытша қолайсыздықтар үшін кешірім сұраймыз», - делінген хабарламада.

Бұған дейін Астанада Мәңгілік Ел даңғылының бойында қозғалысқа уақытша шектеу енгізілген болатын.