Ертең Астанаға Италия Министрлер кеңесі төрағасының орынбасары келеді
АСТАНА. ҚазАқпарат – Ертең Астанаға Италия Республикасының Министрлер кеңесі төрғасының орынбасары – Сыртқы істер және халықаралық ынтымақтастық министрі Антонио Таяни келеді, деп хабарлайды ҚазАқпарат тілшісі.
Бұл туралы Сыртқы істер министрлігінің ресми өкілі Айбек Смадияров ведомствоның баспасөз-мәслихатында айтты.
«5 қыркүйекте Италия Республикасының Министрлер кеңесі төрғасының орынбасары – Сыртқы істер және халықаралық ынтымақтастық министрі Антонио Таянидің Астанаға ресми сапары өтеді. Сапар аясында оның ҚР Премьер-Министрі Әлихан Смайыловпен кездесуі және Премьер-Министрдің орынбасары - Сыртқы істер министрі Мұрат Нұртілеумен кездесулері жоспарланған. Түрлі салалардағы екіжақты Қазақстан-Италия ынтымақтастығының өзекті мәселері талқыланады деп жоспарланып отыр», - деді министрлік ресми өкілі.
